ಕಡಬ ಟೈಮ್ಸ್ (KADABA TIMES):ಕಡಬ ತಾಲೂಕಿನ ಐತೂರು ಗ್ರಾ ಪಂ ನಲ್ಲಿ ಅ. 28ರಂದು ತೆರಿಗೆ ಪರಿಸ್ಕರಣೆ ಬಗ್ಗೆ ವಿಶೇಷ ಸಾಮಾನ್ಯ ಸಭೆ ನಡೆಯಿತು.
ಗ್ರಾ ಪಂ ಆಡಳಿತಾಧಿಕಾರಿ ಹೊನ್ನಪ್ಪ.ಬಿ ಗೌಡ ರವರು ಅದ್ಯಕ್ಷ ತೆಯಲ್ಲಿ ನಡೆದ ಸಭೆಯಲ್ಲಿ ಗ್ರಾ ಪಂ ವ್ಯಾಪ್ತಿಯಲ್ಲಿ ಎಲ್ಲಾ ಕಟ್ಟಡ ಗಳನ್ನು ಸರಿಯಾಗಿ ಪರಿಶೀಲನೆ ಮಾಡುವ ಮೂಲಕ ಪ್ರತಿಯೊಬ್ಬರಿಗೂ ಸರಿಯಾದ ಮಾಹಿತಿ ನೀಡಿ ಮಾಡಬೇಕೆಂದು ಸೂಚಿಸಿದರು.
ಜಿ.ಪಂ ಸದಸ್ಯ ಪಿ ಪಿ ವರ್ಗೀಸ್ ಅವರು ಮಾತನಾಡಿ ಜನರಿಗೆ ತೊಂದರೆಯಾಗದಂತೆ ತೆರಿಗೆ ಪರಿಸ್ಕರಣೆ ಮಾಡ ಬೇಕೆಂದು ಸಲಹೆ ನೀಡಿದರು. ಪಂ ಅಭಿವೃದ್ಧಿ ಅಧಿಕಾರಿ ಶೇಖರ್ ರವರು 2020-21 ಸಾಲಿನ ತೆರಿಗೆ ಪರಿಸ್ಕರಣೆ ಬಗ್ಗೆ ಸಭೆಯಲ್ಲಿ ಸವಿವರವಾದ ಮಾಹಿತಿ ನೀಡಿ ಸರಕಾರದ ಆದೇಶ ಪ್ರಕಾರ ಸುತ್ತಿನ ಮೂಲ ಮೌಲ್ಯದ ಕಡಿಮೆ ಇಲ್ಲದ ದರಕ್ಕೆ ಅನು್ಗುಣವಾಗಿ ವಾಸದ ಮತ್ತು ವಾಣಿಜ್ಯ ಕಟ್ಟಡ ಗಳಿಗೆ ತೆರಿಗೆ ವಿಧಿಸಲಾಗುವುದೆಂದು ಮಾಹಿತಿ ನೀಡಿದರು .
ಜಿ ಪಂ ಇಂಜಿನಿಯರ್ ಬಸವರಾಜ್ ಉಕ್ಕೇರಿ ಯವರು ಪಂ. ವ್ಯಾಪ್ತಿಯಲ್ಲಿ ಕಾಮಗಾರಿಗಳ ಅಭಿವೃದ್ಧಿ ಗೆ ಉಪಯೋಗಿಸುವ ಅನುದಾನಕ್ಕೆ ತಕ್ಕಂತೆ ಉತ್ತಮ ಕಾಮಗಾರಿಗಳು ನಡೆಯುವಂತೆ ಜವಾಬ್ದಾರಿ ವಹಿಸುವುದು ನಮ್ಮೆಲ್ಲರ ಕರ್ತವ್ಯ ಎಂದರು. ಪಂ. ಸಿಬ್ಬಂದಿ ಗಳು ಉಪಸ್ಥಿತರಿದ್ದರು.
