ಕಡಬ ಟೈಮ್ಸ್, ಸುಬ್ರಹ್ಮಣ್ಯ:ಭಜನೆ ಹಾಡಿಗೆ ಮನಸೋಲದವರು ಯಾರು ಇಲ್ಲ,ಅದರ ಭಾವ ,ಲಯಕ್ಕೆ ಮೂಕವಿಸ್ಮಿತರಾಗುತ್ತಾರೆ.ಇದೀಗ ಸುಬ್ರಹ್ಮಣ್ಯ ಮಠದಲ್ಲಿ ಭಜನೆ ತಂಡವೊಂದು ಹಾಡಿದ ಹಾಡಿಗೆ ಮಠದ ಸ್ವಾಮೀಜಿ ತಲೆದೂಗಿದ್ದಾರೆ.
 |
| ಮಠದಲ್ಲಿ ಭಜನೆ ಹಾಡುತ್ತಿರುವ ಭಕ್ತರ ತಂಡ |
ಹೌದು, ಕುಕ್ಕೆ ಸುಬ್ರಹ್ಮಣ್ಯಕ್ಕೆ ಗದಗದಿಂದ ಬಂದಿದ್ದ ಭಕ್ತರ ತಂಡ ಅಲ್ಲಲ್ಲಿ ಭಜನೆ ಹಾಡುತ್ತಿದ್ದರು. ನವ ರಾತ್ರಿಯ ಶುಭ ಸಂದರ್ಭದಲ್ಲಿ ಸರಸ್ವತಿ ಪೂಜೆಯ ದಿನ ಸುಬ್ರಹ್ಮಣ್ಯ ಮಠದಲ್ಲಿ ಈ ತಂಡಕ್ಕೆ ಭಜನೆ ಹಾಡಲು ಅವಕಾಶ ನೀಡಲಾಗಿತ್ತು.
ಮುಖ್ಯವಾಗಿ ಕನಕದಾಸರ" ತೊರೆದು ಜೀವಿಸಬಹುದೇ ಹರಿ ನಿನ್ನ ಚರಣಗಳ..." ಹಾಡನ್ನು ಸ್ವಾಮೀಜಿ ಮುಂದೆ ಹಾಡಿದ್ದು ಈ ಹಾಡಿಗೆ ಸ್ವಾಮೀಜಿ ತಲೆದೂಗಿದ್ದಾರೆ. ಅಲ್ಲದೆ ಭಜನಾ ತಂಡದ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಪರಂಪರಾಗತ ವಾಗಿ ಹಾಡುತ್ತಾ ಬರುವ ತಂಡ ಇದಾಗಿದ್ದು ಸ್ವಾಮೀಜಿಯವರು ಶಾಲು ಹೊದಿಸಿ ಅವರನ್ನು ಗೌರವಿಸಿದ್ದಾರೆ.ಮಠದ ಈ ಗೌರವಕ್ಕೆ ಭಜನಾ ತಂಡ ಹರ್ಷ ವ್ಯಕ್ತಪಡಿಸಿದೆ.
